స్వామీ సచ్చిదానంద బోధలు - 62

        శరీరం ఒక కోట గోడ ఉన్నట్లు, ఇంద్రియాలు అందలి కీలకస్థానాలు. కోటకట్టడం ఎక్కడెక్కడ సడలి ఉంటుందో అక్కడక్కడ శత్రువులు ఆ కోటను భేదించడానికి ప్రయత్నిస్తారు. శరీరం, ఆరోగ్యం, కాంతి. బలం, శుచి- ఇదంతా ఇంద్రియాల ఆరోగ్యం. కాంతి, బలం మున్నగునవి శుచిని అవలంబించి ఉంటాయి. కాన శరీరాన్ని బయట శుచిగా ఉండులాగున చేసుకొంటే చాలదు. వివేకి ఇంద్రియాలను శుచిగా ఉంచుకోవడానికి కృషి చేయటం ముఖ్యం. దీనవల్ల శరీరమనే కోటపై కామాది శత్రువుల దాడి ఉండదు.