స్వామీ సచ్చిదానంద బోధలు - 128

128. సంగం అంటే అంటు. పనసపండును ఒలిచేటప్పుడు చేతికి చమురు రాసుకుంటే, దాని అంటు మనకు అంటదు. ఇలాగే కర్మను చేసేటపుడు ‘దీనిని ఈశ్వరునికై చేస్తాను’ అనే చమురును మీ బుద్ధికి పూసుకోండి. అప్పుడు కర్మఫలభోగాల అంటు మీకు అంటుకోదు. ఏ కర్మను చేసినా ‘దీనిని నేను చేస్తున్నాను’ అనే సంగం కాని, ఫలాశ కాని ఉండరాదు. కాకరకాయ, దోసకాయ మున్నగు కాయల చేదును వంటవారు తీసివేసినట్లు, కర్మయొక్క చేదును భగవదర్పణం ద్వారా తీసివేయండి. కర్మయొక్క చేదును భగవదర్పణం ద్వారా తీసివేయండి, అపుడే మిమ్మల్ని కర్మ ఉద్ధరించేది.